Unsere Bücher

 

Auf Weihnåchtn zua is a gaunz a bsundare Zeit. Draußen wirds boid finsta, drinnen zindt ma gern a Licht au. De Gschichtn und Gedaunkn vo dem Buach lådn di zan Nåchdenga und a zan Schmunzln ei. Und se låssn di den Zauba und den Segn vo dera Zeit gspian. 

______________________________________________________________

LESEPROBE

A Hümmi volla Stern

Waun i in da Nåcht zan Hümmi aufischau
und de Stern glaunzn,
wiari gaunz stüh und eiwendi.
I mag neama denga,
neama redn,
nua nu schaun.

Då gspia i
a Leichtn und a Brenna,
a Singa und a Taunzn,
a Liabm und a Gfrein!

 

A neichs Brauchtum im Advent

Kurz vor dem zweitn Adventsunntåg kimmt mei Schwägarin mit oana Bitt hoam zu iara Mama: „Mama, kaunst du mia bitte fia unsa FKK-Party Keksal båcha?“ D’Mama schauts gaunz entgeistat au.
“Bist du varuckt? Des måch i da ned! De Keks dafia kaunst da söwa måcha, oda kaf da oa!“
„Åba wieso denn ned, Mama? Du båchst de bestn Keks und du tuast as do so gern!“

Sie vasteht ia Mama nimma und braucht a Neichtl, bis‘s draufkummt, wås då ned stimmt. Auf oamoi faungt si zan Låcha au.
„Mama, woaßt, wås a FKK-Party im Advent is? Mia treffn uns am zweiten Adventsunntåg mit unsare Freind. Jeds Joah bei wem aundan. Und des Motto hoaßt: Fremde Keks kostn! Mama, des is a FKK-Party im Advent!“

__________________________________________________________________

Informationen zum Buch

Christine Schmidthaler, MÅCH AUF DEI HERZ. Gschichtn und Gedaunkn fian Advent

ISBN: 978-3-903190-05-4
1. Auflage Oktober 2017, Hardcover, Fadenheftung, Lesebändchen,
164 Seiten, € 22,00

 

02 Buch liegend Detailseite Breit02 Buch liegend Detailseite Breit