Ois a Klane woa do ois a wengal leichta!
Ma is anfåch auf ana wüdn Wiesn glegn und håd im Hümmi de Woikn beobåcht.
Und woa irgndwie zfriedn dabei.
Åwa daun is ma plötzli erwåchsn, Aufaung dreißg, und ma muaß auf amoi Leistungsträger sei,
obwoi ma vielleicht anfåch a zoate Blume is, de leida in de vakehrte Frau vü z’ vü valiebt is.
Und a sauschwaas Packal aus da Vagaungenheit a nu zum Trågn håd. Wie soi des bloß ois wieda wern?
In Form vo Dialektgedichtn erzöht uns de Autorin de Gschicht vo ana hochsensiblen Frau,
de durch innare und eißare Wötn reist, in und mit da Natur.
Jeda Text kummt mit Video – lahn di zrugg und horch zua!
_______________________________________________________________________________
LESEPROBE
1000 Maunna
I kau tausnd Maunna seng, de aundre voi gean kenna meng,
åwa i deng imma nua an sie – des is mea ois Sümpathie.
I kau mit schene Maunna schlåfn, de ma daun a Frühstügg ah nu måchn,
åwa in mein Kopf is oiweu nua sie – und diese schene Fantasie.
I kau auf Tinda rechts, rechts, rechts sweipm,
mit schoafe Boatträga aus Schwedn skeipm,
åwa mei Kopf håd nua a anzigs Büd, zu dem wås er a zoates Liadl spüd.
I kau mit schene Maunna schlåfn und mi söwa daun dafia bestråfn,
wei i sie anfåch ned vagessn kau – wiakli, wås hindad mi bloß drau?
Fia dieses deppade Problem gibt’s nua a Lösung, de i kenn:
I vasuach, ned aufzhean, sie zum meng, i vasuach, dazua zu stehn.
Daun wird vielleicht ois amoi schee.
Es duad weh – und es is schee.
_______________________________________________________________________________
Informationen zum Buch
Jasmin Gerstmayr
FRIARA BIN I GERN AUF ANA WÜDN WIESN GLEGN
Slam-Poetry
Band 4 der Reihe SPRACH:AUFTRITTE
Verlag am Rande, ISBN 978-3-903190-72-0
1. Auflage November 2025
Hardcover, Fadenheftung, Lesebändchen
148 Seiten, € 25,30
______________________________________
BESTELLEN SIE DAS BUCH BEQUEM IM SHOP
Ihre Daten werden nur für die Abwicklung der Bestellung verwendet.
Mit dem Buch erhalten Sie eine Rechnung.
Bezahlen können Sie nach Lieferung durch eine Banküberweisung.
Der angegebene Preis versteht sich inkl. 10% Mwst.
und zzgl. € 3,00 Porto.